Թուրքիայի Ազգային մեծ ժողովի հայազգի պատգամավոր Գարո Փայլանը Ստամբուլի նահանգապետարանի կողմից Պոլսո հայոց պատրիարքի ընտրության դադարեցված գործընթացը վերսկսելու նպատակով ստորագրահավաք է նախաձեռնել: Այս մասին հայտնում է թուրքական Diken պարբերականը:
«Աշխարհում 12 մլն հայ կա և բոլորն էլ ծագումով Անատոլիայից են: Նրանք նայում են Պոլսո պատրիարքարանին, սակայն այս պահին ստատուս քվոն ուժերի ձեռքում պատանդի կարգավիճակում է»,-ասել է Փայլանը:
Պարբերականի փոխանցմամբ` Գարո Փայլանի կողմից սկսած «Պատրիարքական ընտրություններ հենց հիմա» վերտառությամբ նախաձեռնության ներքո ներկայումս ստորագրել է 1336 մարդ:
