Friday, 29 03 2024
Թթուջուր-Նավուր ավտոճանապարհը փակ է
Եվլախը իր ճակատին դաջած անձը գուցե հրահանգ ունի ազգամիջյան բախումներ հրահրելու
Տեղումներ չեն սպասվում
Կա ահաբեկչության վտանգ․ ՌԴ հատուկ ծառայությունները հիբրիդային պատերազմ են մղում Հայաստանի դեմ
Ոսկեպարցիներն անհամբեր սպասում են. «Հրապարակ»
Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
Իշխան Սաղաթելյանի հոր նկատմամբ դատախազությունը հարուցել է քրեական հետապնդում. «Հրապարակ»
Դիանա Գալոյանը նոր պաշտոն կստանա՞. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Նոր դիվանագիտական սկանդալ է հասունանում արտգործնախարարությունում. «Ժողովուրդ»
Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ»
Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
Ովքե՞ր են ընդգրկված լինելու Հայկ Մարությանի նոր կուսակցությունում. «Ժողովուրդ»
Էրդողանի կասկածները եւ խաղաղությունն ու պատերազմը Կովկասում
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը

Մինսկի խմբի եռանախագահների կոչերն ու արձագանքները կզսպե՞ն ագրեսիվ Ալիևին

Մոսկվայի և Փարիզի հայտարարություններից հետո Հայաստանի նկատմամբ Ադրբեջանի նախագահի տարածքային նկրտումներին վերջապես արձագանքել է նաև Վաշինգտոնը: Ի պատասխան «Ազատություն» ռադիոկայանի ուղարկած հարցմանը, թե պաշտոնական Վաշինգտոնն ի՞նչ դիրքորոշում ունի Իլհամ Ալիևի աղմկահարույց հայտարարության կապակցությամբ, ԱՄՆ պետքարտուղարությունից արձագանքել են.

«Միացյալ Նահանգները պաշտպանում է Մինսկի խմբի համանախագահների փետրվարի 11-ի հայտարարությունը, որով կողմերին կոչ էր արվում զերծ մնալ բորբոքիչ հայտարարություններից և սադրիչ գործողություններից: Միացյալ Նահանգները նաև խրախուսում է կողմերին՝ հարգել 2017-ի հոկտեմբերին Ժնևում կայացած գագաթնաժողովի ընթացքում ձեռք բերած պայմանավորվածությունները` բանակցությունների աշխուժացման ու շփման գծում լարվածությունը թուլացնելու ուղղությամբ քայլեր ձեռնարկելու վերաբերյալ»:

Միջազգային արձագանք Ալիևի զառանցանքին

Հիշեցնենք, որ Իլհամ Ալիևը փետրվարի 8-ին՝ իշխող «Ենի Ազերբայջան» կուսակցության համագումարի ժամանակ հայտարարել էր, թե Երևանը և Զանգեզուրը ադրբեջանցիների «պատմական հողերն են», իրենք պարտավոր են վերադառնալ, դա իրենց քաղաքական և ռազմավարական նպատակն է:

Օրեր անց՝ մամուլի ասուլիսի ժամանակ, այս հայտարարությունը լրագրողներից մեկի խնդրանքով մեկնաբանել էր Ռուսաստանի արտգործնախարարության խոսնակ Մարիա Զախարովան՝ ասելով, թե հիշատակված հայտարարությունը ակնհայտորեն չի նպաստում Հայաստանի և Ադրբեջանի միջև լարվածության նվազեցմանը:

Ֆրանսիայի արտաքին գործերի նախարարությունն իր հայտարարության մեջ կոչ էր արել ղարաբաղյան հակամարտության կողմերին «բարեխղճորեն աշխատել» հակամարտության խաղաղ կարգավորման ուղղությամբ և մասնավորապես՝ «զերծ մնալ ցանկացած հայտարարությունից կամ գործողություններից, որոնք կարող են սրել իրավիճակը»:

Իսկ Հայաստանի նախագահը Մյունխենում հայտարարեց, որ Ալիևի խոսքերն, իհարկե, զառանցանք են, բայց Եվրոպայի լռության պայմաններում այդպիսի անհեթեթությունները կարող են շատ լուրջ հետևանքներ ունենալ:

Համարժեքության և ադեկվատության խնդիր

Բայց արդյո՞ք ԵԱՀԿ Մինսկի խմբի միջնորդ երեք երկրների արձագանքները բավարար չափով խիստ էին կամ ադեկվատ ուժի սպառնալիքի կիրառման սկզբունքը կոպտորեն խախտող Ալիևի սանձարձակ պահվածքին: Հարցի վերաբերյալ երկու գերիշխող տեսակետ կա: Փորձագետների մի մասը դրական է գնահատում այն փաստը, որ Ալիևի հայտարարությունն անպատասխան չմնաց և այն ստացավ միջազգային արձագանք, մյուս մասը կարծում է, որ միջնորդ երկրների այս հայտարարությունները շատ անատամ են և ըստ էության, չեն կարող լրջորեն ազդել Ադրբեջանի վարքագծի վրա: Օրինակ, Լոնդոնի Jane’s Intelligence վերլուծական կենտրոնի առաջատար վերլուծաբան Լիլիթ Գևորգյանի կարծիքով՝ Զախարովայի հայտարարությունը ադեկվատ չէր:

«Պատկերացրեք՝ եթե նման հայտարարություն աներ Ռուսաստանը Վիլնյուսը գրավելու մասին, և ՆԱՏՕ-ն ոչ թե պաշտոնական հայտարարություն աներ, այլ ուղղակի հարցուպատասխանի ժամանակ ՆԱՏՕ-ի խոսնակը հպանցիկ նշեր, թե դա այնքան էլ դրական քայլ չէ: Դա պարզապես կլիներ ազդանշան այն մասին, որ ՆԱՏՕ-ն հետաքրքրված չէ Լիտվայի անվտանգությամբ: Փաստացի Ադրբեջանը հենց այս ազդանշանը ստացավ Ռուսաստանից»,- «Առաջին լրատվական»-ին տված հարցազրույցում նշեց փորձագետը:

Դրական դինամիկա

Քաղաքագետ Ալեքսանդր Սկակովն այլ տեսանկյունից է նայում հարցին՝ ասելով, որ Ալիևն առաջին անգամ չէ նման հայտարարություններ անում, բայց նախկինում Մինսկի խմբի համանախագահող երկրները որևէ կերպ չէին արձագանքում, ուստի այն փաստը, որ այժմ այս երկրները գոնե ինչ-որ կերպ արձագանքում են, արդեն իսկ դրական է: Ռուսաստանցի փորձագետը կարծում է, որ նշված երեք երկրների հայտարարությունները կարող են ազդել Ադրբեջանի ագրեսիվ պահվածքի վրա:

«Նախկինում Մինսկի խումբը, Ռուսաստանը որևէ կերպ չէին արձագանքում Ալիևի հայտարարություններին, իսկ հիմա գոնե ինչ-որ կերպ արձագանքում են, այսինքն՝ սա արդեն իսկ առաջընթաց է, քայլ ճիշտ ուղղությամբ: Կարծում եմ՝ սա դրական երևույթ է: Իսկ ինչ վերաբերում է այն գնահատականներին, որ այդ արձագանքը բավարար չափով խիստ չէ, ապա սա առաջին հայտարարությունն է: Եթե հետագայում նման դեպքերը կրկնվեն, Մինսկի խմբի հայտարարությունն ավելի կոշտ կլինի», – «Առաջին լրատվական»-ի հետ զրույցում նշեց Սկակովը:

Պետքարտուղարությունը ադեկվատ է պատասխանել

Մեկնաբանելով երեք համանախագահների և մասնավորապես Միացյալ Նահանգների հայտարարությունը՝ Թաֆթս համալսարանի Ֆլետչերի իրավունքի և դիվանագիտության դպրոցի գիտաշխատող, քաղաքագետ Սուրեն Սարգսյանը «Առաջին լրատվական»-ի հետ զրույցում կարծիք հայտնեց, որ այստեղ ավելի կարևոր է արձագանքի և հայտարարության փաստը, ոչ թե դրա կոշտ կամ ոչ այնքան կոշտ լինելը:

«Պետք է հաշվի առնել, որ Ալիևի հայտարարությունը ադեկվատ չի ընկալվել նույնիսկ Ադրբեջանում: Որքան էլ փորձեն ներկայացնել, թե այս հայտարարությունը ծափողջյունների տարափով են դիմավորել, այդուհանդերձ մենք հասկանում ենք, որ դա այդպես չէ: Եվ Ալիևի ոչ ադեկվատ հայտարարությանը պետքարտուղարությունը բավական ադեկվատ է պատասխանել և ընդամենը հղում է տվել Մինսկի խմբի համանախագահների համապատասխան հայտարարությանը, որտեղ ասվում է, որ բորբոքիչ հայտարարություններն ու սադրիչ գործողությունները խանգարում են բանակցային գործընթացին: Կարծում եմ, որ սա ադեկվատ պատասխան է: Իհարկե, այն կարող էր լինել ավելի սուր կամ ավելի ագրեսիվ, բայց նման արձագանքը տեղին է, նույնիսկ եթե ժամանակային առումով փոքր-ինչ ուշացած է: Չափազանց կարևոր է այն փաստը, որ Միացյալ Նահանգները ևս մեկ անգամ շեշտում է Մինսկի խմբի կարևորությունը իր համար՝ որպես Մինսկի խմբի համանախագահ պետության: Բոլոր երեք երկրների արտաքին գերատեսչությունների հայտարարությունները շատ բնական են, որովհետև պետք է հաշվի առնենք, որ Մինսկի խմբի համանախագահ պետությունների ներկայացուցիչները մշտապես կապի մեջ են, համագործակցում և համաձայնեցնում են ցանկացած քայլ: Այս առումով մենք գործ ունենք բացառիկ մի իրավիճակի հետ, երբ և՛ Միացյալ Նահանգները, և՛ Ռուսաստանը արդյունավետորեն համագործակցում են Մինսկի խմբի շրջանակներում:

Եռանախագահները առանձին-առանձին հայտարարել են այն, ինչ ասվում է միասնական հայտարարություններում: Սրանք շատ տրամաբանական և փոխկապակցված հայտարարություններ են», – մեկնաբանեց Սուրեն Սարգսյանը:

Բաժիններ
Ուղիղ
Լրահոս
Որոնում