YouTube վիդեոհոսթինգի ներկայացուցիչներն աշխատում են հոսքային ծառայության գործառույթների ընդլայնման վրա և ծրագրում ստեղծել ավտոմատ ենթագրեր։ Այս մասին ասվում է պաշտոնական բլոգում։
Հաղորդվում է, որ շնորհիվ խոսքի ավտոմատ ճանաչման նոր տեխնոլոգիայի (LASR)՝ օգտատերերը կարող են ուղիղ հեռարձակումների ժամանակ օգտվել ենթագրերի գործառույթից։
Ծրագրվում է գործառույթը գործարկել առաջիկա շաբաթներին, իսկ հետո շտկել ճշգրտությունն ու արագությունը։ Դա ծառայությունը մրցունակ պահելու նպատակ ունի՝ մյուս հոսքային հարթակների ֆոնին։