Ինչպես հաղորդում է Business.com.ua կայքը, Facebook-ը սկսել է նոր ծառայության մատուցում, որը կոչվում է «Կատարվում է հիմա» կամ Happening Now, որը թույլ է տալիս ձեր էջի վրա տեսնել, թե ինչ են անում ձեր ընկերները տվյալ պահին:
Նախկինում օգտատերն իր ընկերների ակտիվությունը կարող էր տեսնել միայն այն դեպքում, եթե թարմացներ իր պատը: Հիմա դա կփոխարինվի փոքր պատուհանով, որը տեղակայված կլինի գովազդի պատուհանի տակ՝ աջ կողմից:
The Next Web բլոգում սոցցանցի ներկայացուցիչներն ասել են, որ «իրենք հիմա փորձարկում են այս գործիքը, որը թույլ կտա օգտատերերին տեսնել մարդկանց, որոնք մեկնաբանում են կամ հավանում են այս կամ այն կայքը կամ կարգավիճակն իրական ժամանակում: Այս պահին այդ գործիքը հասանելի է միայն օգտատերերի 1%-ին, սակայն թեստավորման արդյունքում բարելավվելով՝ այն հասանելի կդառնա բոլորին»:
