2017 թվականին կանայք բավական առաջընթացի հասան աշխատավայրում հավասարության ճանապարհին, սակայն հավասարության տարբերություն կա ինչպես կանանց և տղամարդկանց, այնպես էլ երկրների միջև։ Այս մասին վկայում է The Economist-ի վարկանիշը։
The Economist-ի գնահատականով՝ կանանց նկատմամբ ամենահավասարակշռված երկրները Սկանդինավյան երկրներն են, այն դեպքում, երբ Ճապոնիան, Հարավային Կորեան և Թուրքիան դեռևս հետ են մնում։
Ընդ որում, ԱՄՆ–ն բարելավել է իր դիրքերը, 20-րդ հորիզոնականից 19-ը բարձրանալով, կանանց զբաղվածության աճի շնորհիվ։
2017 թվականի վարկանիշի առաջատարը Շվեդիան է, որտեղ աշխատում է կանանց 80%-ը, իսկ խորհրդարանում կանայք 44%-են կազմում։
Նաև մշակութային առումով է փոփոխություն նկատվում։ Օրինակ, 2017 թվականին Ճապոնիայում առաջին անգամ տեղի ունեցավ Կանանց համաշխարհային գագաթնաժողովը, որին մասնակցում էին 60 երկրների գործնական ոլորտի ավելի քան 1300 առաջնորդներ։ Իսկ սեռական բռնությունների և ոտնձգությունների դեմ պայքարի #MeToo կամպանիան, որը տարածվում է սոցցանցերում, Հարավային Կորեա է հասել։
Գնահատականը տասը ցուցանիշ է ներառում. կրթական մակարդակ, հասանելիություն աշխատանքային շուկային (labour-market attachment), աշխատանքի վարձատրություն, երեխայի խնամքի վարձատրություն, մայրության և հայրության իրավունք, բիզնես դպրոցի հասանելիություն և բարձր պաշտոններում ներկայացուցչություն։