Թուրքական ավիացիան ռմբակոծել է Իրաքի Քրդական աշխատավորական կուսակցության դիրքերը։ Սիրիայում թուրքական զորքերը, չնայած զինադադարին, շարունակում են քրդական YPG ջոկատների վրա գրոհները։ Թուրքական ավիացիան հարվածներ է հասցրել Հյուսիսային Իրաքում Քրդական աշխատավորական կուսակցության դիրքերի վրա։ Ռմբակոծման են ենթարկվել ամրություններն ու զենքերի պահեստները, – փետրվարի 25-ին հաղորդել են թուրքական զինված ուժերի ներկայացուցիչները։
Քրդական աշխատավորական կուսակցության դեմ թուրքական բանակի ռազմական գործողությունները շարունակվում են 2015 թվականի ամռան զինադադարի խախտումից ի վեր։ Քրդական ուժերի նկատմամբ հարվածները հասցվում են առավելապես Թուրքիայի հարավ–արևելքում և Իրաքի հյուսիսում։