«Ըստ էության՝ նախագահ Սարգսյանի հայտարարությունը հիմնվում է Հայաստանի արտաքին քաղաքականության ուղենիշային մոտեցման վրա, որը հետևյալն է՝ մենք փորձում ենք նորալ հարաբերություններ մեր հարևանների, այդ թվում՝ Թուրքիայի հետ: Երկրորդ հանգամանքն այն է, որ Թուրքիայի կառավարող շրջանակները, անկախ քաղաքական պատկանելությունից, այս մոտեցումը չեն կիսում: Նրանք այնպիսի քաղաքականություն են իրականացնում, որն իր հիմքում ունի Հայաստանին հարկադրելու և զիջումներ ստանալու քաղաքականություն: Բայց Հայաստանը երբեք չի գնա զիջումների այնպիսի կարևոր հարցերում, ինչպիսին Արցախի հարցն է, Ցեղապսանության հարցն է»,- «Առաջին լրատվական»-ի հետ զրույցում ասաց ՀՀ ԳԱԱ արևելագիտության ինստիտուտի տնօրեն, թուրքագետ Ռուբեն Սաֆրաստյանը՝ անդրադառնալով Մյունխենում Սերժ Սարգսյանի՝ հայ-թուրքական արձանագրություններին վերաբերող գնահատականին:
Թուրքագետը նշեց, որ որքան ագրեսիվ է դառնում Թուրքիայի արտաքին քաղաքականությունը, որքանով ուժեղանում են ավտորիտար տարրերը, այնքան Թուրքիան թուլանում է. «Թուրքիայի հնարավորություններն են պակասում, Թուրքիան դառնում է ավելի թույլ, ինչը մոտակա տարիներին կերևա, և այդ պայմաններում կարելի է ենթադրել, որ Թուրքիայի վերնախավը կփորձի կարգավորել հարաբերությունները Հայաստանի հետ»,- հավելեց Ռուբեն Սաֆրաստյանը:
Ամբողջությամբ՝ տեսանյութում: