47-ամյա Նիք Քրուքը ինքնասպան է եղել Կանարյան կղզիներում հանգստի ժամանակ: Վանեսա Գրանթը մեղադրել է երեք հասուն աղջիկների հայր Նիք Քրուքին նրանում, որ նա բավականաչափ շփվող չէ: Նա իր սիրեկանին առաջարկել է նայել մյուս հանգստացող զույգերին և մեղադրել տղամարդուն, որ նա չափազանց ինքնամփոփ է: Այդ մասին գրում է life.ru-ն:
«Դրանից հետո մենք վերադարձել ենք համար: Մենք վիճում էինք և ես ասացի նրան, որ տուն վերադառնալուն պես ես կլքեմ նրան»,- ասել է Վանեսան:
Ի պատասխան Նիք Քրուքը սպառնացել է սիրուհուն, որ ինքնասպան կլինի, սակայն կինը լուրջ չի ընդունել այդ սպառնալիքները: Վեճից հետո տղամարդն ու կինը միասին գնացել են բար և որոշ ժամանակ անց Նիքը որոշել է համար վերադառնալ: Վանեսան գնացել է տղամարդու ետևից միայն երկուսուկես ժամ անց և այդ ընթացքում Նիքն արդեն հասցրել է վերջ տալ իր կյանքին:
Նիք Քրուքի նախկին կինը՝ Նիկոլան հայտարարել է ոստիկանությանը, որ չի կարող հավատալ տղամարդու ինքնասպանությանը: Նրա խոսքերով այդպիսի վարքը բոլորովին նման չէ իր նախկին ամուսնուն:
Այնուամենայնիվ հետաքննությունը պարզել է, որ ավելի վաղ տղամարդը ինքնասպանության 4 անհաջող փորձ է կատարել: Նա միշտ հասցրել է զգուշացնել կատարվածի մասին ընկերներին կամ Նիկոլային և վերջիններս կարողացել են փրկել նրան: Հավանաբար տղամարդը հույս է ունեցել, որ Վանեսան նույնպես կհասցնի փրկել նրան, նախքան ամեն ինչ ավարտված կլինի, սակայն ճիշտ չի հաշվարկել ժամանակը: