ԿԳ նախարար Լևոն Մկրտչյանը, անդրադառնալով երիտասարդ գիտնականների արտագաղթի խնդրին, նշել էր, որ մեղավորությունն ավագ սերնդինն է, որ երիտասարդներին կայանալու և իրենց փոխարինելու հնարավորություն չեն տալիս:
ՀՀ ԳԱԱ հայագիտության և հասարակական գիտությունների բաժանմունքի ակադեմիկոս-քարտուղար ՀՀ ԳԱԱ ակադեմիկոս Յուրի Սուվարյանը «Առաջին լրատվական»-ի հետ զրույցում նշեց, որ կա դարեր շարունակ կիրառվող մի սկզբունք՝ փորձի և երիտասարդության զուգակցում. «Իրենց հարգող բոլոր գիտնականները պատրաստում են իրենց փոխարինողներ, երիտասարդներ, որովհետև յուրաքանչյուրը գիտակցում է, որ հավիտենական ամբիոնի վարիչ լինել կամ դեկան, չի կարող անվերջ այդ պաշտոնը զբաղեցնել: Եվ պետք չէ այդ գործընթացին վարչականորեն միջամտել, և ցանկացած այդպիսի միջամտություն միշտ բերում է նեգատիվ հետևանքների»,-ասաց Յուրի Սուվարյանը:
Նա նշեց, որ ինքն էլ պատրաստել է մեծ թվով դոկտորներ, և արդեն մտածում է իր տեղը զիջելու մասին:
Ամբողջությամբ՝ տեսանյութում: