Հարսանիքներ կազմակերպող ամերիկյան The Knot գործակալությունը ներկայացրել է ամենամյա զեկույց՝ սիրահարների կյանքում կարևորագույն իրադարձություններից մեկի ծախսերի մասին։ Անցած տարվա հետ համեմատած՝ հարսանիքի միջին արժեքը նվազել է 1900 դոլարով (5,5%)։ 2018 թվականի սկզբից, առանց մեղրամսի հաշվարկի, ծախսերի միջին գումարը կազմել է 33.4 հազար դոլար։ Պարզվել է,որ ծախսերի զգալի մասն իրենց վրա են վերցնում հարսնացուի ծնողներն ու հենց ամուսնացողները։ Ծախսերի նրանց մասնաբաժինն ընդհանուր բյուջեում կազմում է 44.5 և 41.1 տոկոս։
Ամենածախսատարը սրահի վարձակալությունն ու բանկետն են։ Դրանց վրա միջինը ծախսվում է 15.2 հազար դոլար։ Մատանիներ գնելը միջինն արժենում է 5800 դոլար։ Հետաքրքիր է, որ փեսացուի կոստյումն արժի ավելի էժան, քան տորթը (408 դոլար) կամ հրավիրատոմսերը (540 դոլար)։Հարսանցուի զգեստն արժի 1500 դոլար։
Ամենից շատ հարսանիքների վրա ծախսում են ԱՄՆ-ի հյուսիս-արևելքի բնակիչները։ Ռեկորդային են ծախսերը Մանհեթենում (77 հազար դոլար)։ Իսկ արևմտյան Յուտայում հարսանեկան ծախսերը կազմում են միջինը 18.5 հազար դոլար։