Օտարերկրյա քաղաքացիներին տեղական անշարժ գույքի վաճառքը Թուրքիայում 2018-ի հունվարին հասել է 1742 միավորի, ինչը 25.7 տոկոսով ավելի է, քան 1 տարի առաջ։ Այս մասին են վկայում Վիճակագրության թուրքական ինստիտուտի տվյալները։
Իրաքցիները 2018-ի հունվարին դարձել են Թուրքիայում անշարժ գույքի ամենաակտիվ գնորդները՝ կնքելով 272 գործարք։ Այնուհետև գալիս են Սաուդյան Արաբիայի քաղաքացիները (160), աֆղանները (124), ռուսները (121) և Քուվեյթի բնակիչները (108)։ Այս մասին հայտնում է Hurriyet Daily News-ը։
Ստամբուլը հանդիսանում է օտարերկրացի գնորդներին առավել հետաքրքրող վայր։ Այնտեղ հունվարին ձեռք է բերվել 545 տուն և բնակարան։ Այնուհետև գալիս է Անթալիան՝ անշարժ գույքի 424 օբյեկտներով։ Ընդհանուր առմամբ 2017 թվականին օտարերկրացիները Թուրքիայում ձեռք են բերել 22 հազար միավոր սեփականություն։
