36-ամյա Քեյթ Միդլթոնի երրորդ հղիությունը հեշտ չէ:
Սրտխառնոցը, թուլությունը և ուժերի զգալի անկումը նրան ուղեկցում են ամբողջ հղիության ընթացքում, թեև նա շարունակում է պարբերաբար երևալ հանրության առաջ և արքայազն Ուիլյամի հետ պաշտոնական ուղևորությունների մեկնել:
Ներքին աղբյուրների հաղորդմամբ՝ նրան հսկայական աջակցություն է ցուցաբերում արքայազն Հարրիի հարսնացուն՝ Մեգան Մարքլը: 36-ամյա դերասանուհին պարբերաբար այցելում է դքսուհուն (նրանք հարևանությամբ են ապրում)՝ նրա հետ զրուցելու, թեյ խմելու և մի քանի խորհուրդ տալու: Այս մասին գրում է showdream.org-ը:
«Նա Քեյթին պատմում է առողջ սննդակարգի մասին: Նա այդ մասին շատ է կարդում և դքսուհուն որոշ խորհուրդներ է տալիս»,- ասում է ներքին աղբյուրը:
Կնոջ մասին հոգ է տանում, իհարկե, նաև արքայազն Ուիլյամը, ով, աղբյուրի խոսքով, «անում է հնարավոր ամեն ինչ, որպեսզի նրա համար հարմարավետ լինի»:
«Ամուսինն ուզում է, որ նա աջակցություն զգա»,- հայտնում է աղբյուրը:
