Արմեն Ջիգարխանյանի թատրոնում բեմադրվում է «Կոննեմարի գանգը» նեկայացումը: Ջիգարխանյանը ցանկացել է դիտել նոր բեմադրությունը: Նա ընդունարանում ձեռնափայտով է քայլել, նախօրեին ճնշումն է բարձրացել, հոգնած տեսք է ունեցել: Ներկայացումից հետո լրագրողները հարցրել են՝ ինչ կարծիքի է նոր ներկայացման մասին, հայտնում է kp.ru-ն:
«Ներկայացումը նոր է ծնվում, դա դժվար գործ է,- ասել է դերասանը:- Եկեք նախօրոք չասենք՝ ինչն է լավ, ինչը՝ վատ»:
Նա ասել է. «Ես ստեղծագործական ծրագրեր չունեմ: Այնուամենայնիվ, արդեն 82 տարեկան եմ: Ի՞նչ ծրագրեր: Պարզապես ուզում եմ ապրել»:
Ֆիլ կատվի մասին, որն ընկերներն են նվիրել, դերասանն ասել է, որ իր համար կատուն երեխայի նման է: Նա շատ կապված է եղել իր նախկին կատվի հետ՝ Ֆիլին, ով դերասանի ընտանիքում էր ապրել 15 տարի, սատկել էր Ամերիկայում:
«Նոր Ֆիլն արդեն այն չէ,- տխրությամբ խոստովանել է դերասանը:- Նախկին կատուն լրիվ ուրիշ էր: Մենք կատվի հետ ընդհանուր լեզու չգտանք: Սկզբում, երբ այդ կատվին ինձ մոտ բերեցին, զգացում կար, որ առաջին Ֆիլն էր եկել ինձ մոտ: Պարզվեց՝ ոչ: Ես շատ եմ լաց եղել դրա պատճառով»: