ԵՄ կազմից Մեծ Բրիտանիայի դուրս գալը նշանակում է ընդհանուր բյուջեի կրճատում, կորուստները փոխհատուցել կարելի է հարստության հարկ սահմանելով, ոչ թե քաղաքացիներից լրացուցիչ հարկեր հավաքելով: informator.news-ի հաղորդմամբ՝ այս մասին լրագրողներին ասել է Հունաստանի վաչապետ Ալեքսիս Ցիպրասը Բրյուսելում ԵՄ ոչ պաշտոնական գագաթնաժողովից հետո:
Նրա խոսքով՝ մի կողմից՝ Brexit-ը նշանակում է բյուջեի կրճատում, մյուս կողմից՝ ԵՄ-ի առաջ մի շարք նոր առաջադրանքներ և մարտահրավերներ կան՝ սոցիալական իրավունքների իրագործում, երիտասարդության երաշխիքների ընդլայնված ծրագիր, պատասխան փախստականների և միգրացիոն ճգնաժամին, ուսումնասիրությունների, զարգացման խորացման անհրաժեշտություն, միասնական թվային շուկա, անվտանգություն, արտաքին սահմանների պաշտպանություն:
«Կա՛մ մենք պետք է զգալիորեն մեծացնենք բյուջեն, կա՛մ համաձայնվենք ԵՄ սոցիալական կարգավիճակի կրճատմանը, ինչի դեմ մենք հանդես ենք գալիս… Հաշվի առնելով, որ Մեծ Բրիտանիան լքում է ԵՄ-ն և ցանկալի չէր լինի ավելի ծանրաբեռնել հարկատուներին, լուծում է նոր ռեսուրսներ գտնելու հնարավորությունը: Մենք պետք է նոր ռեսուրսներ գտնենք հարստության հարկահանության միջոցով, ոչ թե հարկատուների: Սրանից ելնելով՝ ես որոշ նկատառումներ և առաջարկներ եմ ներկայացրել ֆինանսական գործողությունների հարկի՝ այսպես կոչված՝ Թոբինի հարկի՝ խոշոր ինտերնետ-ընկերությունների հարկահանության, ընդհանուր հարկային հիմքի վերաբերյալ»,- ասել Ցիպրասը:
Նա հույս է հայտնել, որ քննարկումը կավարտվի մինչև եվրոպական ընտրությունները և հայտարարել է, որ ԵՄ-ն պետք է քայլեր անի Եվրոպայի սոցիալական բնույթի ինչպես ժողովրդականացման, այնպես էլ՝ ամրապնդման համար, որպեսզի ավելի գրավիչ դառնա իր քաղաքացիների համար:
