Թուրքիան կոչ է անում Ռուսաստանին և Իրանին ազդել Սիրիայի կառավարության վրա, որը «ավիահարձակումներ է իրականացնում» Դամասկոսի արվարձան Արևելյան Ղութայում, ասել է Թուրքիայի արտգործնախարար Մևլյութ Չավուշօղլուն։ Այս մասին փոխանցում է Haberturk-ը։
«Ավիահարձակումներն Արևելյան Ղութայում անթույլատրելի են։ Ռուսաստանն ու Իրանը պետք է կանգնեցնեն Սիրիայի նախագահ Բաշար Ասադի ռեժիմին»,-ընդգծել է նա՝ պատասխանելով լրագրողների հարցերին։
Չավուշօղլուն նաև ասել է, որ Իդլիբ նահանգում Դամասկոսին հավատարիմ ուժերի «հարձակողական գործողությունները խախտում են Թուրքիայի, Ռուսաստանի և Իրանի միջև կնքված կրակի դադարեցման մասին համաձայնագիրը»։