Թուրքական ռազմանավերը հետապնդել են իտալական նավթագազայի ENI ընկերության հետախուզական նավին Կիպրոսի էկսքլյուզիվ տնտեսական գոտում և սպառնացել խորտակել այն։ Այս մասին հայտնում է Ekathimerini պարբերականը։
Թուրքական նավատորմի 4-5 նավեր կրկին փորձել են խոչընդոտել ENI-ի Saipem 12000 հորատող նավին՝ անցկացնելու Կիպրոսի մոտ գազային հանքավայրերի հետազոտում։
Խիստ նախազգուշացումից հետո ENI-ի նավը հետ է դարձել։
Ինչպես հայտնի է, թուրքական ռազմանավերը մի քանի շաբաթ արգելափակում են Միջերկրական ծովում իտալական ընկերության հորատող կայանքը, որը պետք է սկսի աշխատանքները՝ ուղղված Կիպրոսի ափերի մոտ գազի որոնումներին։
Անկարայում հայտարարում են, որ գազի որոնումը սահմանափակում է կղզու ռեսուրսների հանդեպ թուրք-կիպրացիների իրավունքները։
Հիշեցնենք, որ վերջերս թուրք-կիպրացիների վարչակազմում հայտարարել էին, որ թույլ չեն տա հույն-կիպրացիներին առանց իրենց համաձայնության շարունակել Միջերկրական ծովում գազային հանքավայրերի հետազոտումը։
ԵՄ-ն կոչ է արել Թուրքիային սպառնալիքի տակ չդնել անդամ-պետությունների հետ բարիդրացիական հարաբերությունները՝ կապված Կիպրոսի մոտ նավի արգելափակման հետ։
