«Ծառուկյան» դաշինքը ինքնանպատակ որևէ արարքի կողմնակից չէ, մենք հարգում ենք մեր գործընկերներին՝ «Ելք» խմբակցության հարգելի անդամներին, բայց դա չի նշանակում, որ իրենց ցանկացած նախաձեռնությանը, այնքանով, որքանով այն ընդդիմադիր ծագում ունի, մենք պետք է միանանք»։ Այդ մասին «Առաջին լրատվական»-ի հետ զրույցում ասաց «Ծառուկյան» խմբակցության պատգամավոր Գևորգ Պետրոսյանը, անդրադառնալով հարցին՝ արդյո՞ք իրենց խմբակցությունը կմիանա ստորագրահավաքին և կօգնի «Ելք» խմբակցությանը խորհրդարանի կողմից նախագահ ընտրելու՝ ԱԺ կանոնակարգի համապատասխան դրույթները հակասահմանադրական ճանաչելու պահանջով ՍԴ դիմելու հարցում։
Գևորգ Պետրոսյանի խոսքերով՝ իրենց ցանկացած նախաձեռնություն քննարկում են խմբագրության ներսում, մասնագիտական փորձաքննություն են կատարում և նոր տեսնում են՝ դրա հիմքում իրավական հեռանկար կա՞, թե՞ ոչ։
«Մասնագիտական կարծիքը էս դեպքում կարևոր է քաղաքական կեցվածքից, եթե մենք իրավաբաններով գտնում ենք, որ էստեղ սահմանադրականության խնդիր չկա, իմաստը որն է միանալու, մենք չենք զլանում որևէ բանի տակ ստորագրելուց։ Ոչ միայն ես, այլև մեր իրավաբաններով մանրամասն քննարկել ենք էդ դիմումը և գտնում ենք՝ սահմանադրականության խնդիր չկա,- ընդգծեց պատգամավորը։
Մանրամասները՝ տեսանյութում։