Բրիտանացի կին զբոսաշրջիկը հարձակման է ենթարկվել զայրացած ցլի կողմից։ Դեպքը տեղի է ունեցել այն ժամանակ, երբ կինը երգել է Black Eyed Peas խմբի «My Humps» երգը։ Այս մասին հայտնում է The Sun-ը։
Միջադեպը տեղի է ունեցել հնդկական Ռաջաստհան նահանգում, երբ բրիտանուհին վերադարձել է Ջայսալմեր քաղաքի իր հյուրանոց։ Ճանապարհին նա տեսել է մեծ ցլին և կատակով սկսել երգել ամերիկյան խմբի երգը։
Այդ պահին կենդանին հարձակվել է 25-ամյա Մելիսայի վրա։ Տուժածը հարվածից օդ է թռել, որից հետո զարնվել է գետնին։ Նա ստացել է դեմքի, ուսի և ծնկի վնասվածք։
Չնայած ստացած վնասվածքներին՝ տուժածը տեղի ունեցածը համարում «զավեշտալի փորձ»։ «Հավանաբար ցուլը տրամադրություն չի ունեցել»,-ասել է բրիտանուհին։