Պաղեստինի նախագահ Մահմուդ Աբասը գտնվում է ԱՄՆ–ում և առողջության պլանային հետազոտություն է անցնում։ Այս մասին փետրվարի 22-ին հաղորդել են նախագահի մամլո ծառայությունից։
«Այժմ նա գտնվում է հիվանդանոցում սովորական հետազոտման համար»,– հաղորդել է Աբասի ներկայացուցիչը։ Նա նաև նշել է, որ պաղեստինյան առաջնորդի առողջության վատթարացման մասին լուրերը իրականությանը չեն համապատասխանում։
Հաղորդվում է, որ 82-ամյա Աբասը ԱՄՆ է ժամանել այս շաբաթ մասնակցելու ՄԱԿ–ի Անվտանգության Խորհրդի նիստին։ Նյու Յորքում նա կոչ է արել միջազգային գիտաժողով անցկացնել մերձավորարևելյան կարգավորման նոր բազմակողմանի մեխանիզմ ստեղծելու համար։ Ի պատասխան՝ Իսրայելի վարչապետ Բենյամին Նեթանյահուն մեղադրել է նրան ահաբեկչության ֆինանսավորման մեջ