Աբու–Դաբիի նյույորքյան համալսարանը 1 միլիոն դոլարի չափով շնորհ կտրամադրի վրաստանցի աշակերտի ուսումնառության համար։
Հեղինակավոր ամերիկյան բուհում սովորելու շնորհը ստացել է Դավիդ Ջինչարաձեն, ով Բաթումիի մասնավոր «21-րդ դարի գիմնազիա» դպրոցի 12-րդ դասարանի աշակերտ է։
Համալսարանից ստացված նամակը Ջինչարաձեն հրապարակել է իր ֆեյսբուկյան էջում։ Դաթոն ընտրվել է 150 երիտասարդների միջից, որոնք էլ իրենց հերթին ընտրվել էին ավելի քան տասը հազար թեկնածուների միջից, ամբողջ աշխարհից։ Նա քաղաքագիտություն և միջազգային հարաբերություններ է ուսումնասիրելու, ինչպես նաև լրագրություն։
Համալսարանը ամբողջովին ֆինանսավորելու է վրացի աշակերտի ուսման, ճանապարհի և կեցության ծախսերը։
Երիտասարդի խոսքերով, ինքն արդեն որոշել էր, որ դպրոցն ավարտելուց հետո ուսումը արտասահմանում է շարունակելու։
«Կես տարի առաջ ես վերադարձա ԱՄՆ–ից, Flex ծրագրի շրջանակներում ես Ֆլորիդայում էի։ Կարծում եմ, որ շատ մեծ փորձ եմ ձեռք բերել ԱՄՆ–ում ապրելով։ Որոշված էր, որ ուսումս շարունակելու եմ արտասահմանյան բուհերից որևիցե մեկում, քանի որ վրացական համալսարաններում չեմ ստանա այն, ինչ ինձ անհրաժեշտ է»,– պատմել է Դաթոն։
