Փոփ երաժշտության 59-ամյա աստղը իրեն մոռանալ չի տալիս։ Երգչուհին վերջին տարիներին ոչինչ չի ձայնագրում, շրջագայությունների չի մեկնում, սակայն իրեն մոռանալ չի տալիս։ Իր 11-միլիոնանոց բաժանորդներով Instagram-ում ամերիկյան գեղեցկուհին առաջին անգամը չէ, որ մերկ լուսանկար է տեղադրում։
«Կիրակի։ Արյունոտ կիրակի»,– այսպես է ստորագրել նա իր հրապարակումը։ Երկրպագուները կրկին բաժանվել են, մի մասը հիացած է իր կուռքի տեսքով, իսկ ոմանք որոշել են, որ Մադոննան, իր տարիքում, արդեն վաղուց պետք է վերջ տա մերկ նկարներին։ Մեկ ամիս առաջ Մադոննան կրկին աշխարհով մեկ իրեն մերկ ցուցադրելու տրամադրություն ունեցավ, և պետք է նշել, որ դա այնքան էլ էսթետիկ չէր։
Հիշեցնենք, որ Մադոննան աշխարհի ամենաճանաչված երաժիշտներից մեկն է, մոլորակի կոմերցիոն առումով ամենահաջողակ երգչուհին։ Նա շատ բուռն կյանք է ունեցել։ Պաշտոնապես ամուսնացած է եղել երկու անգամ. դերասան Շոն Փենի և ռեժիսոր Գայ Ռիչիի հետ։ Մադոննան բազմազավակ մայր է։