Գերմանիայի դաշնային կառավարությունը նյութական և ոչ նյութական օգնություն է առաջարկում այն արտասահմանցիներին, ովքեր ցանկանում են հայրենիք վերադառնալ։
Ըստ Վրաստանի ԱԳՆ–ի, տվյալ ծրագիրը ներառում է նաև Վրաստանի քաղաքացիներին։
Այս ծրագրի մեջ կարող են ներառվել Վրաստանի քաղաքացիների հետևյալ կատեգորիաները.
—այն անձինք, ովքեր մտել են Գերմանիայի տարածք մինչև առանց վիզայի ռեժիմի գործարկումը, այսինքն 2017 թվականի մարտի 27-ը, բայց ում մերժել են ապաստարան տալ և եթե դեռ չի լրացել այն ժամկետը, որի լրանալուն պես նրանք պետք է լքեն Գերմանիայի տարածքը,
—անձինք, ում նկատմամբ դեռևս շարունակվում է ապաստարան տրամադրելու վերաբերյալ խնդրի դիտարկումը,
—անձինք, ովքեր Գերմանիայում ապաստարան են ստացել, սական ցանկություն են հայտնել վերադառնալ Վրաստան։
Մինչև 2018 թվականի փետրվարի 28-ը, բացի ճանապարհածախսից, հնարավորություն կա նաև Գերմանիայի կառավարությունից մինչև 3000 եվրոյի չափով ֆինանսական օգնություն ստանալ կյանքի պայմանների բարելավման համար՝ Վրաստան վերադառնալու դեպքում։