Ավստրալիայի հյուսիսում գտնվող Նիտմիլուկ ազգային պարկում 3.97 մետր երկարությամբ բարձրակատար կոկորդիլոս են բռնել:
Ականատեսներից մեկը տեսագրել է, թե ինչպես են այգու աշխատակիցները վանդակից հանում սողունին և կապում նրան մեծ տաղտակին: Ավագ ռեյնջեր Էնդրյու Մաքֆիի խոսքերով՝ թակարդը այստեղ կլոր տարին դրված է, քանի որ դա միակ միջոցն է, որ օգտագործվում է տարվա այս եղանակին կոկորդիլոսների թվաքանակը կարգավորելու համար: Հնարավոր է, որ ջրհեղեղից հետո կենդանին ընկել է Նիտմիլուկի կիրճը: Սա ամենախոշոր կոկորդիլոսն է, որ որսորդներին հանդիպել է 2006 թվականից ի վեր: Իսկ այդ ժամանակվանից ի վեր 10 կոկորդիլոս է բռնվել:
Բարձրակատար կոկորդիլոսը մոլորակի ամենախոշոր գիշատիչներից մեկն է համարվում: Արուների երկարությունը կարող են հասնել մինչև 7 մետրի, իսկ նրանց քաշը 2 տոննայի կարգի է: Նրանք բնակվում են Հնդկաստանի արևելյան ափերին, Հարավ-արևելյան Ասիայի երկրներում, Նոր Գվինեայում և Ավստրալիայի հյուսիսում:
