Նյու Յորքի միայնակ բնակչուհի Օպոկուա Քվապոնգը խոսելիս է եղել FaceTime-ով իր քրոջ՝ Ադումե Սապոնգի հետ, ով ապրում է Մանչեստերում, երբ Սապոնգը նկատել է, որ մի բան այն չէ:
Նա նկատել է, որ քրոջ խոսքը հասկանալի չէ, նրա դեմքը այլայլված է: Սկզբում նա Քվապոնգին խորհուրդ է տվել մի բաժակ ջուր խմել և ասպիրին ընդունել: Բայց քույրը չի կարողացել բարձրացնել բաժակը և նաև դժվարացել է շարժվելիս:
«Նա կարծում էր, որ ես մանր բաներից եմ անհանգստանում, և այդ ժամանակ ես զանգահարեցի մյուս քրոջս, ով բժիշկ է աշխատում: Նա լսեց զրույցը և նույնպես ասաց, որ խոսքը խանգարված է: Մենք երկուսս էլ ասացինք նրան, որ անմիջապես օգնության դիմի»:Այնուհետև Քվապոնգը կախել է լսափողը և 911 է հավաքել: Հիվանդանոցում նրա մոտ գլխուղեղի տրոմբ են հայտնաբերել: Ինսուլտը կաթվածահար էր արել նրա ձախ կողմը:
Օպակուա Քվապոնգը, ով գիտաշխատող է, ասել է. «Կասկած չկա, որ FaceTime-ը փրկել է իմ կյանքը: Եթե քույրս չնկատեր, որ մի բան այն չէ, ամեն ինչ այլ կերպ կավարտվեր»:
Նման պատմություններն ընդգծում են տեխնոլոգիաների առավելությունները և սարքավորումների անխափան աշխատանքի անհրաժեշտությունը: