ՀՀ քրեական օրենսգրքով նախատեսված մի շարք տնտեսական հանցագործությունների օրենսգրքով սահմանված շեմերը կփոփոխվեն: Լրագրողների հետ հանդիպմանը ՊԵԿ նախագահի տեղակալ Արմեն Սաքապետոյանն ասել է, որ արարքը «ապօրինի ձեռնարկատիրական գործունեություն» որակելու համար նախկինում նախատեսված վնասի չափը 500.000 ՀՀ դրամից կդառնա 2 մլն դրամ: «Արարքը «կանխամտածված սնանկություն կամ կեղծ սնանկություն» որակելու համար ներկայումս նախատեսված 200.000 դրամի փոխարեն նախատեսվում է 2 մլն դրամ»,- ասաց նա:
Ակցիզային դրոշմանիշներով եւ դրոշմապիտակներով դրոշմավորման ենթակա չդրոշմավորված ապրանքներ իրացնելու համար ներկայումս, եթե նախատեսված է, որ այդ ապրանքների գինը պետք է կազմի 50.000 դրամ եւ ավելի, նախատեսվում է այդ շեմը բարձրացնել 500.000 դրամ եւ ավելի:
Նշված բոլոր փոփոխություններով պայմանավորված` համապատասխան արարքները քրեական պատասխանատվության դաշտից կանցնեն վարչական պատասխանատվության դաշտ: