Ազգային ժողովի արտաքին քաղաքականության հարցերով հանձնաժողովն այսօր՝ փետրվարի 22-ին, հրավիրել է խորհրդարանական լսումներ՝ «Սումգայիթյան ջարդեր. Հայատյացությունը որպես Ադրբեջանի պետական քաղաքականություն» թեմայով:
ԱԳ փոխնախարար Շավարշ Քոչարյանը նշեց. «30 տարի առաջ այս օրերին գրվել է մեր տարածաշրջանի պատմության ամենամութ էջերից մեկը, երբ Ադրբեջանի ողջ տարածքում հակահայկական ալիք բարձրացվեց: Ատելության և հայատյացության այս քաղաքականությունն այսօր դարձել է Ադրբեջանի ղեկավարության ներքին և արտաքին քաղաքականության անքակտելի մասը»:
Ադրբեջանն ապացուցում է, որ քաղաքակիրթ աշխարհի կանոնները և մարդու իրավունքների միջազգային նորմերը այդ երկրի իշխանությունների համար դատարկ հնչյուններ են: «Սա է պատճառը, որ ԼՂ հակամարտությունը չի կարգավորվում: Միջազգային մեր գործընկերների մոտ հասունացված է այն գիտակցությունը, որ քանի դեռ Ադրբեջանի իշխանությունները շարունակում են հայատյացության քաղաքականությունը, Հարավային Կովկասում վտանգված են խաղաղությունն ու անվտանգությունը»,- ասաց փոխնախարարը՝ հավելելով, որ Ադրբեջանին խաղաղություն է պարտադրվելու հետևողական աշխատանքով:
Մանրամասները՝ տեսանյութում: