Ազգային ժողովի արտաքին քաղաքականության հարցերով հանձնաժողովն այսօր՝ փետրվարի 22-ին, հրավիրել է խորհրդարանական լսումներ՝ «Սումգայիթյան ջարդեր. Հայատյացությունը որպես Ադրբեջանի պետական քաղաքականություն» թեմայով:
Ինչպես նշեց հանձնաժողովի նախագահ Արմեն Աշոտյանը՝ վերջին տարիներին միջազգային հանրության շրջանում փոխվել են կարևոր դերակատարները, տեղի է ունեցել քաղաքական սերնդափոխություն, և Ադրբեջանի կողմից իրականացված Սումգայիթյան ջարդերը և դրան հետևած բռնի գործողությունները կարծես թե մոռացության են մատնվել, և տեղի է ունենում համահարթեցում. «Սակայն եվրոպական քաղաքականությունը պահանջում է քաղաքակրթական հենք: Դեռևս 30 տարի առաջ եվրոպական քաղաքական մարմինը սովետական իշխանություններին կոչ է արել տեր կանգնել և երաշխավորել Սովետական Ադրբեջանում ապրող 500 հազար հայերի անվտանգությունն ու կյանքը»:
Աշոտյանը նշեց,սակայն, որ պատմությունը վերադառնալու հատկություն ունի, և հիշեցրեց Ալիևի հերթական սպառնալիքը՝ ուղղված Հայաստանին և հայերին:
Մանրամասները՝ տեսանյութում:
