Հայտնի են ներդրողների տեսանկյունից Եվրոպայի ամենագրավիչ երկրները։ Վարկանիշը կազմելիս Financial Times FDi Intelligence ընկերությունը գնահատել է քաղաքները՝ հաշվի առնելով առաջիկա 2 տարում դրանց զարգացման հեռանկարները։
Եվրոպայի «ապագայի քաղաքների» ցուցակը ոչ առաջին տարին գլխավորում է Լոնդոնը։ Հնգյակում են ներառվել նաև Դուբլինը, Փարիզը, Ամստերդամն ու Մյունխենը։
Վարկանիշը կազմելիս քաղաքները գնահատվել են ավելի քան 100 չափորոշիչներով, որոնց թվում են քաղաքների ՀՆԱ-ն, կյանքի տևողությունը, բարձրագույն կրթությամբ բնակիչների թիվը, ճանապարհային և երկաթուղային ենթակառուցածքի զարգացումը, գրասենյակային տարածքների վարձակալության, համացանցի հասանելիությունը և այլ ցուցանիշներ։
