Նորթումբերլենդ կոմսությունում, Մեծ Բրիտանիայի հյուսիսում, ցուցադրության են դրել Հռոմեական կայսրության ժամանակաշրջանի բոքսի ձեռնոցներ, որոնք գտնվել են Վալ Ադրիանի պաշտպանական ամրոցի պեղումների ժամանակ։
Ըստ փորձագետների կարծիքի՝ հնեաբանական գտածոն «Հռոմեական կայսրության ժամանակներից միակ պահպանված նմուշն է»։ Դա ձեռքի թաթին հագնող կաշվե հարմարանք է, որը ամուր հագնում է մատների ոսկորներին՝ դրանք հարվածներից պաշտպանելու համար։ Ամենայն հավանականությամբ, նման ձեռնոցներն օգտագործվել են բռունցքներով մարտերի ժամանակ։ Ըստ առկա տեղեկությունների, ձեռնոցներն օգտագործվել են մարզումների ժամանակ, քանի որ դրանցում բացակայում են մետաղական ներդիրները, որոնք օգտագործվում էին բռնցքամարտի հնագույն մենամարտերում։
«Մեր բոլոր գտածոները մոտեցնում են մեզ 2000 տարի առաջ ապրած մարդկանց հետ։ Մազերդ պարզապես բիզ–բիզ են կանգնում, երբ պատկերացնում ես, որ դու այդքան հին ու զարմանալի բան ես գտել»,– իր գտածոն է մեկնաբանել պրոֆեսոր Էնդրյու Բիրլին՝ Vindolanda Trust–ի պեղումների կենտրոնի տնօրենը։
