Ազգային ժողովն այսօր՝ փետրվարի 21-ին, հրավիրել է խորհրդարանական լսումներ բարձրագույն կրթության ոլորտի հիմնախնդիրները թեմայով:
ԱԺ «Ծառուկյան» խմբակցության պատգամավոր Սերգեյ Բագրատյանը, անդրադառնալով օրինագծի այն դրույթին, որ կենսաթոշակային տարիքի գիտնականը այլևս չի կարող մասնակցել մրցույթներին, և դա թողնված է ռեկտորի հայեցողությանը, որը կարող է 1 տարի ժամկետով պայմանագիր կնքել գիտնականի հետ, ասաց. «Սա ի՞նչ նվաստացուցիչ վերաբերմունք է գիտնականի նկատմամբ. ակնհայտ է, որ դրանում սուբյեկտիվիզմ, կոռուպցիոն ռիսկեր կան»:
Նրա խոսքով՝ դա նվաստացուցիչ արարողություն է. «Եթե գիտնականը լսել է ռեկտորի հորդորները՝ կշարունակի աշխատել, եթե ինքնուրույնություն է դրսևորում, այլևս թույլ չեն տա աշխատել տվյալ գիտնականին այդ բուհում: Սա բացարձակ սուբյեկտիվիզմ է»:
Մանրամասները՝ տեսանյութում: