Թուրքմենստանի նախագահ Գուրբանգուլի Բերդիմուհամեդովի ապարատը վաճառքի է դրել 25 զրահապատ Mercedes-Maybach S600L մեքենաներ։ Համապատասխան հայտարարությունը հրապարակել է հանրապետության պետական բորսան։
Վաճառվող մեքենաների արժեքը տատանվում է՝ կախված թողարկման տարեթվից։ 1995 թվականի արտադրության մեքենաներն արժեն ավելի քան 25 հազար դոլար, 2009 թվականի արտադրության մեքենաները՝ 75.5 հազար դոլար։ Մեքենաների մեծ մասը (13) թողարկված են եղել հենց 2009 թվականին։
Նշվում է, որ նման մեքենաներն օգտագործվում են միայն այն ժամանակ, երբ Թուրքմենստան են գալիս այլ պետությունների ղեկավարները։ Այլ ժամանակ Բերդիմուհամեդովը երթևեկում է այլ մեքենաներով, որոնք վարում է անձամբ։