Google-ը պաշտոնապես հայտարարել է նոր ծառայության՝ Google Pay-ի գործարկման մասին, որը, ըստ էության, միավորում է Android Pay և Google Wallet ծառայությունները։ Դրա օգնությամբ կարելի է վճարել ապրանքների կամ ծառայությունների դիմաց առցանց կամ սովորական խանութներում, վճարել հասարակական տրանսպորտով երթևեկության համար։
Google-ը ներդնում է նոր վճարային ծխառայությունն իր բոլոր արտադրանքներում, այդ թվում Chrome դիտարկիչում։
Հիշեցնենք, որ ավելի վաղ ընկերությունը փակել էր Android Pay վճարային ծառայությունը։ Այն հայտնվել էր 2015 թվականին որպես Android օպերացիոն համակարգով աշխատող սարքերի՝ սմարթֆոնների, պլանշետների համար վճարային համակարգ։