ԱԺ «Ծառուկյան» խմբակցության պատգամավոր Արարատ Զուրաբյանի կարծիքով՝ 2008 թ-ի Մարտի մեկին իշխանության կատարած հանցագործություններն այս տարիների ընթացքում քողարկվել են, ամեն ինչ արվել է, որպեսզի սպանդը, մարդկանց վրա կրակելը մոռացվի։
«Ուզում եմ հիշեցնել, որ այդ ժամանակահատվածում գործող նախագահ Ռոբերտ Քոչարյանը հայտարարում էր, որ մեքենաների հետևից դուրս են գալիս կրակում են ոստիկանների ուղղությամբ, հետո պախկվում են և այլն և այլն։ Ես կոչ կանեմ բոլոր նրանց, ովքեր իրավապահ մարմինների աշխատակից են, հարցաքննության կանչել սույն անձնավորությանը և ասել՝ ինչի վրա հիմնված է այդ հայտարարությունները նա արել, ինչով է դա հիմնավորված և այլն, և եթե դա իրականությանը չի համապատասխանում, գոնե այս հասարակությունից ներողություն խնդրել ու նմանատիպ բազմաթիվ բաներ։ Ես կարծում եմ՝ իրավական գնահատականի ժամանակահատվածը, մեծ հաշվով, կորցված է, բայց քաղաքական գնահատական սույն երևույթին կարելի է տալ ցանկացած ժամանակ՝ այսօր, վաղը, 50 տարի հետո»,- շեշտեց նա։
Անդրադառնալով «Ելք» խմբակցության նախաձեռնությանը՝ Մարտի մեկի մասով արտահերթ նիստ հրավիրելու և ՀԱԿ-ի նախաձեռնությանը՝ Ազատության հրապարակում հավաք կազմակերպելու, Արարատ Զուրաբյանն ասաց, որ յուրաքանչյուր քաղաքական ուժ ունի իր օրակարգը, պրոցեսը, միջոցառումը, որին մասնակցում է։
Մանրամասները՝ տեսանյութում։
