Apple ընկերությունը կրկին որոշել է գրանցել իր խորհրդանիշ խնձորի գունավոր լոգոտիպը: Առաջին անգամ այն մշակվել է 1977 թվականին և օգտագործվել է 11 տարի: Ավելի ուշ ընկերությունը որոշել է անցնել սև գույնի լոգոտիպին:
Վերջերս պարզվել է, որ Apple-ը նախատեսում է կրկին գրանցել ապրանքանիշը՝ ծիածանագույն խնձորի տեսքով: Կուպերտինոցիները արդեն հայտ են ներկայացրել ԱՄՆ արտոնագրային և ապրանքային նշանների վարչություն: Հայտում նշվում է, որ համապատասխան լոգոտիպը օգտագործվելու է գլխարկների և այլ աքսեսուարների վրա, որոնք որևէ կապ չունեն էլեկտրոնային սարքավորումների հետ: