Այս տարի ԱՄՆ Կոնգրեսի միջանկյալ ընտրություններին կմասնակցեն սեռափոխության դիմած 40 թեկնածուներ։ Ամերիկյան պատմության մեջ առաջին անգամ տրանսգենդերը կարող է տեղ զբաղեցնել։
Բրիաննա Վեսթբրուկ
Դեմոկրատական կուսակցության թեկնածու՝ Արիզոնա նահանգի 8-րդ շրջանից։ Նա նախկինում եղել է ասֆալտ հարթեցնող մեքենայի վարորդ, այնուհետև փոխել է ոչ միայն մասնագիտությունը (այժմ խորհրդատու է ավտոսրահում), այլև սեռը (2011թ)։
Նրան առաջադրման են մղել նախագահ Դոնալդ Թրամփի օրենսդրական նախաձեռնությունները՝ ուղղված ԼԳԲՏ-հանրությանը։
Ալեքսանդրա Չենդլեր
Դեմոկրատական կուսակցության թեկնածու՝ Մասսաչուսեթսի 3-րդ շրջանից։ Նա 12 տարի ծառայել է ԱՄՆ ռազմածովային ուժերի հետախուզական ծառայությունում՝ որպես ավագ վերլուծաբան։
Սեռափոխության դիմելու գաղափարը նրա մոտ ծագել էր դեռևս բանակում։ Այդ ժամանակվանից նա իրեն նվիրել է ԼԳԲՏ հանության, միգրանտների, սևամորթների իրավունքների համար պայքարին։
Չելսի Մենինգ
2010 թվականի մայիսին ԱՄՆ բանակի շարքային Բրենդլի Մենինգը ձերբակալվել էր գաղտնի փաստաթղթերը WikiLeaks-ին փոխանցելու կասկածանքով։ 2013 թվականին դատարանը նրան մեղավոր էր ճանաչել և դատապարտել 35 տարվա ազատազրկման։ Վճռի հայտարարումից հետո Բրեդլին ասել էր, որ ողջ կյանքն իրեն աղջիկ է համարել և ցանկանում է փոխել սեռը՝ խնդրելով իրեն անվանել Չելսի։
2015 թվականին դատարանը թույլատրել էր նախկին հետախույզին հորմոնալ թերապիայի կուրս անցնել։ Պատմության մեջ առաջին անգամ ամերիկացի զինծառայողը փոխել է սեռը, ընդ որում, դա տեղի է ունեցել Ֆորտ-Լիվենուորթ ռազմաբազայի բանտում։
2017 թվականի հունվարին Բարաք Օբաման ներել էր Չելսիին և ազատ արձակել։ Մենինգը զբաղվում է ԼԳԲՏ-ի իրավունքների պաշտպանությամբ և աշնանը կփորձի ուժերը Կոնգրեսի ընտրություններում։ Նա ներկայացնում է Դեմոկրատական կուսակցությունը Մերիլենդ նահանգում։