Հայտնի են կյանքի ամենաերկար տևողությամբ աշխարհի 5 վայրերը։ Առաջին տեղում ճապոնական Օկինավա կղզին է։ Այնտեղ բնակչության 100 հազար հոգու հաշվով մոտ 60 մարդ հատում է 100-ամյակի շեմը։ Տեղացիների երկարակեցության հնարավոր պատճառներից է գյուղատնտեսությունը, որը նպաստում է աշխույժ կենսակերպին, մեծ քանակությամբ ծովամթերքի և առանց քիմիկատների աճեցված բանջարեղենի օգտագործումը, ցածր կալորիականությամբ սննդակարգը և սնվելու առանձնահատուկ փիլիսոփայությունը, որը կայանում է 80 տոկոսով կշտանալու, այլ ոչ թե գերսնվելու մեջ։
Երկրորդ տեղում Սարդինիան է։ Այնտեղի բնակիչներն ունեն լավ գենետիկա և հիանալի առողջություն՝ շնորհիվ միջերկրածովյան դիետայի։
Երրորդ տեղում Կալիֆորնիայի Լոմա Լինդա քաղաքն է։ Քաղաքի բնակիչների մեծ մասը 7-րդ օրվա ադվենտիստների եկեղեցու ծխականներն են։ Նրանք պահպանում են առողջ կենսակերպի հստակ կանոններ, չեն օգտագործում ալկոհոլ, նիկոտին և նույնիսկ միս։ Ուտում են շատ ընկուզեղենը, խմում շատ ջուր և կանոնավոր զբաղվում սպորտով։
Կոստա Ռիկայի Նիկոյա թերակղզու բնակիչները երկարակեցությամբ չորրորդ տեղում են։ Նրանք սնունդ են պատրաստում հիմնականում բաց կրակի վրա, ավանդական կերակուրները պարունակում են մեծ քանակութjամբ եգիպտացորեն։ Մեծ է նաև մրգերի և հատիկավոր բույսերի օգտագործումը։
Հնգյակը եզրափակում է հունական Իկարիա կղզին։ Էգեյան փոքր կղզու բնակիչները 2.5 անգամ ավելի հաճախ են հասնում 90 տարեկանի, քան եվրոպացիներն ընդհանուր առմամբ։ Տեղի բնակչությունը քիչ է հակված բազմաթիվ տարիքային հիվանդությունների։