Ալիևի հայտարարություննեը Երևանի մասին չեն նպաստի ղարաբաղյան կարգավորման բանակցային գործընթացին: Փետրվարի 19-ին լրագրողների հետ հանդիպման ժամանակ այս մասին ասաց ՀՅԴ Բյուրոյի անդամ, ՀՅԴ Հայ դատի և քաղաքական հարցերի պատասխանատու Կիրո Մանոյանը: Սակայն, նրա կարծիքով, այդ հայտարարություններին չպետք է հանգիստ վերաբերվել՝ համարելով, որ դրանք արվել են միայն ներքին լսարանի համար: «Լեհաստանում որոշակի օրենք է ընդունվում, որը դժգոհություն է առաջացրել` Իսրայելից մինչև ԱՄՆ: Ինչու՞ չի կարելի նույնքան լրջորեն վերաբերվել Ալիևի հայտարարություններին, հատկապես, որ դրա համար կան բոլոր հիմքերը», – նշեց Մանոյանը:
Միևնույն ժամանակ, ՀՅԴ ներկայացուցիչը բացառեց այս տարվա 2016 թվականի ապրիլյան դեպքերի կրկնության հավանականությունը՝ հավելելով, սակայն, որ Ադրբեջանում նախագահական ընտրություններից հետո կարելի է սպասել շփման գծում լարվածության որոշակի աճի: Սակայն լայնամասշտաբ ռազմական գործողությունները, ըստ նրա, լուրջ հարված կհասցնեն երկու կողմերին էլ, հատկապես՝ տնտեսական ոլորտում, և Ադրբեջանը դրանում առավել քիչ հետաքրքրված: