Այս րոպեներին Լոնդոնում տեղի է ունենում BAFTA 71-րդ մրցանակաբաշխությունը։ Այս տարի նույնպես մրցանակաբաշխությանը ներկա են ոչ միայն կինեմատոգրաֆի աստղերը, այլ թագավորական ընտանիքի անդամները՝ Քեյթ Միդլթոնն ու արքայազն Հարին, ով 2010 թվականից Բրիտանական կինո և հեռուստատեսային արվեստների ակադեմիայի պատվավոր նախագահն է համարվոմ։
Մինչև վերջին պահը բոլորին մի հարց էր հուզում. ինչ հագուստ կընտրի դքսուհի Քեթրինը։ Եվ բառացիորեն հենց նոր ստացվեց դրա պատասխանը. տասնյակ տեսախցիկների առջև հայտնվեց հղի Քեյթը՝ մուգ կանաչ Jenny Packham բրենդի զգեստով։
Բանն այն է, որ որոշ ժամանակ առաջ մրցանակաբաշխության կազմակերպիչները բոլոր հրավիրվածներին նամակներ էին ուղարկել, խնդրելով նրանց ոչ պաշտոնական դրես–կոդ պահպանել. ընտրել սև զգեստներ, որպեսզի «ուժեղ և պարզ հայտարարություն անեին» ի նշան սեռական ոտնձգությունների դեմ պայքարի։
Սակայն թագավորական ընտանիքի անդամները նման հարցերում ջանում են չեզոքություն պահպանել։
