Իրանը ռազմաբազաներ և զինծառայողներ չունի Սիրիայում, հայտարարել է Իրաքի արտգործնախարար Մուհամմադ Ջավադ Զարիֆը։ «Ո՛չ, մենք չունենք դրանք, չունենք»,-ասել է նա՝ պատասխանելով լրագրողների համապատասխան հարցին։
«Վալդայ» ակումբում Մերձավոր Արևելքի հարցերով համաժողովի ընթացքում, անդրադառնալով Սաուդյան Արաբիայի հետ հարաբերություններին, նա ասել է, որ Թեհրանն ու Էր-Ռիադը միանգամայն կարող են համագործակցել Իրաքի, Սիրիայի և այլ հարցերի շուրջ։
«Մերձավոր Արևելքում տեղ կա բոլոր երկրների համագործակցության համար։ Մենք կարող ենք առաջ շարժվել դեպի զարգացում, բարգավաճում»,-ասել է Զարիֆը։ Սակայն, նախարարի խոսքով՝ չի կարելի ի վնաս ուրիշների շահերի՝ սեփական շահերը հետապնդելու պարադիգմով շարժվել։
Նա կոչ է արել կարգավորել Իրանի և Սաուդյան Արաբիայի միջև դիմակայությունը՝ ի շահ ողջ մերձավորարևելյան տարածաշրջանի։
