57 ակր տարածքով չքնաղ Կաուլբեկ կղզին՝ հսկայական առանձնատնով, ծովափնյա տնակով, նավամատույցով և մի քանի քոթեջներով վաճառվում է 7 միլիոն դոլարով։ Այն գտնվում է Նոր Շոտլանդիայում, – հաղորդում է Daily Mail-ը։
Առանձնատունը կառուցվել է 2002 թվականին։ Ներսում 11 ննջարան է, 9 լոգարան և սեփական գրադարան։ Տանը առընթեր կա նաև անհրաժեշտ սպասարկող անձնակազմ. դայակ, մի քանի այգեպան, խոհարարներ և ծառայապետ։
Ընդ որում, մոտակա մայրցամաքը գտնվում է ընդամենը վեց րոպե հեռավորության վրա, ուր կղզու ապագա տերը կարող է գնալ սեփական նավամատույցից կամ ուղղաթիռային հրապարակից։