Վիրտուալ դպրոցների աշակերտներն ավելի վատ են սովորում և հաճախ են թողնում պարապմունքները՝ այդպես էլ չավարտելով ծրագիրը։ Նման եզրակացության են եկել The Wall Street Journal-ի վերլուծաբանները՝ ուսումնասիրելով 400 ամերիկյան դպրոցների ցուցանիշները։ Բազմաթիվ ուսումնական առցանց հաստատություններ արդեն խոստովանել են խնդիրը և սկսել ավելի խիստ ընտրել սովորողներին։ Առաջին հերթին հաշվի են առնվում կարգապահությունն ու առաջադիմությունը։
Առցանց ուսուցումը համարվում է ապագայում կրթության առավել հեռանկարային ոլորտներից մեկը։ Սովորողները ստիպված չեն լինի ուսման վայր ընտել ըստ բնակավայրի։ Այդ կերպ կրթությունը դառնում է ավելի հասանելի, իսկ ուսուցիչների սղության խնդիրը՝ լուծելի։
ԱՄՆ-ում 2017 թվականին առցանց դպրոցներում սովորել է 300 հազար մարդ։
