Գերմանիայի պաշտպանության նախարար Ուրսուլա ֆոն դեր Լյայենը կարող է Յենս Սթոլթենբերգին փոխարինել ՆԱՏՕ-ի գլխավոր քարտուղարի պաշտոնում: Այս մասին հայտնում է Die Welt թերթը՝ հղում անելով դաշինքում տեղյակ աղբյուրներին:
«Գերմանիայի պաշտպանության նախարար Ուրսուլա ֆոն դեր Լյայենը դաշինքում փայլուն համբավ ունի: Նա հրաշալի ունակություն ունի այնպես խոսելու, որ իրեն լսեն նախարարության բոլոր գործընկերները»,- ասել է ՆԱՏՕ-ի բարձրաստիճան ներկայացուցիչը:
Դաշինքի մեկ այլ ներկայացուցչի խոսքով՝ Ուրսուլա ֆոն դեր Լյայենը «լավ ընտրություն» կլիներ կազմակերպության ղեկավարի պաշտոնում, քանի որ նրա ղեկավարությամբ՝ Գերմանիան զգալիորեն մեծացրել իր մասնակցությունը ՆԱՏՕ-ում:
