Ամբողջ աշխարհից զբոսաշրջիկներ են ժամանում Ամստերդամ։ Միայն անցյալ տարի քաղաքը 18 միլիոն զբոսաշրջիկ է ընդունել։ Սա 20 անգամով գերազանցում է քաղաքի բնակչությանը։
Բնակիչների մի մասին հոգնեցրել են պատուհանների տակ աղմկոտ, հարբած խնջույքները և աղբակույտերը։ Նրանց թվում է, թե իրենք հյուր են իրենց սեփական տներում։
Տուրիստները գալիս են ոչ թե տեսնելու Վան Գոգի ու Ռեմբրանդտի կտավները, այլ մարիխուանա ծխելու ու հարբելու համար,– վրդովված ասում են քաղաքի բնակիչները։ Նույնիսկ սուվենիրների խանութների դարակներից առաջին հերթին անհետանում են սեքս խաղալիքներն ու կրակայրիչները։ Այդ պատճառով տեղի բնակիչները խնդրել են իշխանություններին կանգնեցնել զբոսաշրջիկների ներխուժումը։ Քաղաքապետարանը լսել է և սահմանաակումներ է մտցրել քաղաքի կենտրոնում հյուրանոցների կառուցման վրա, բարձրացրել են տուրիստական հարկերը և արգելել են գարեջրային հեծանիվները։ Սահմանափակումները հասել են նաև Կարմիր լապտերների թաղամասին։
Այնուամենայնիվ, ըստ կանխատեսումների, չնայած բոլոր արգելքներին, զբոսաշրջիկների թիվը մոտակա տարիներին շարունակելու է աճել։