Մոսկվայի №2120 մանկապարտեզում 3-ամյա աղջնակը ցրտահարությունից մահացել է։ Այսօր առավոտյան դաստիարակը երեխաներին դուրս է տարել զբոսանքի, իսկ հետո նրանք ուղևորվել են նախաճաշելու։ Աղջիկներից մեկը՝ Զահրա Ռզաևան բոլորի հետ նախաճաշելու չի գնացել, սակայն նրա բացակայությունը նկատել են միայն 2 ժամ անց։
Դաստիարակները գտել են նրան ձյան մեջ ընկած։ Աղջիկը չի շնչել։ Երեխային տարել են ներս, շտապօգնություն կանչել, սակայն բժիշկները չեն կարողացել օգնել աղջկան։ Վարկածներից մեկի համաձայն՝ աղջիկն իրեն վատ է զգացել զբոսանքի ժամանակ, ընկել ու մահացել՝ չափազանց երկար ժամանակ անցկացնելով ցուրտ եղանակին։
Թե ինչու է նման բան տեղի ունեցել, հայտնի չէ։ Այժմ ուսումնասիրվում է մանկական պոլիկլինիկայի փաստաթղթերը, որտեղ երեխան կցված է։