Ազգային ժողովն այսօր՝ փետրվարի 16-ին, հրավիրել է արտահերթ նիստ «Ելք» և «Ծառուկյան» խմբակցությունների՝ Հարկային օրենսգրքում փոփոխություններ անելու նախաձեռնությամբ:
«Ձեր բերած օրենքները չեն բխում ձեր անմիջական ղեկավարի ասված խոսքից»,- հայտարարեց «Ելք» խմբակցության պատգամավոր Արամ Սարգսյանը՝ հիշեցնելով, որ վարչապետ Կարեն Կարապետյանի նախընտրական խոստումներից էր աշխատավարձերի և թոշակների բարձրացումը:
Անդրադառնալով իրենց քաղաքական ուժի կողմից կազմակերպված երթերին ու հանրահավաքներին՝ Արամ Սարգսյանն ասաց. «Մենք դրանով նաև ուզում ենք ցույց տալ, որ քաղաքականությամբ էսպես են զբաղվում: Մենք իշխանությունից ևս պահանջում ենք նման վերաբերմունք»:
Նա կոչ արեց ունեցած ձեռքբերումներին, որոնք, ցավոք սրտի, հանրային ընկալման մեջ օր օրի մաշվում են, ավելի զգույշ վերաբերվել. «Էմոցիոնալ մարդկանց գուցե ընկերաբար, գուցե տղամարդաբար, գուցե կուսակցական պատիժներով պետք է պատժել»:
Մանրամասները՝ տեսանյութում: