Ազգային ժողովն այսօր՝ փետրվարի 16-ին, հրավիրել է արտահերթ նիստ «Ելք» և «Ծառուկյան» խմբակցությունների՝ Հարկային օրենսգրքում փոփոխություններ անելու նախաձեռնությամբ:
«Ելք» խմբակցության պատգամավոր Արամ Սարգսյանը հանրությանը մատչելի լեզվով ներկայացնելով խնդիրը՝ հայտարարեց. «Ասում են, թե ՀՀ տնտեսությունը 14,4 տոկոս անկում է ապրել, և Հայաստանի իշխանությունը հերոսաբար պահեց կենսաթոշակները, աշխատավարձերը, և դրա համար պարտքեր վերցրեց: Եվ այսօր արդեն պետք է հրաժարվել այդ պարտքերից: Ասում են, ունենք 2 տարբերակ՝ էդ փողը պիտի վերցնենք կա՛մ արտադրողներից, կա՛մ սպառողներից: Ու քանի որ սպառողները շատ են, որովհետև մեր երկրում ներդրում արվում է մոլերում ու խանութներում, էնտեղից հավաքենք»:
Նրա խոսքով, սակայն, ոչ թե հարկատուներից է պետք շատ հարկ վերցնել, այլ պետք է հարկատուների քանակն ավելացնել:
«Էսօր արդեն «Սինոփսիս»-ից մարդիկ հեռանում են. միանշանակ սպանում եք ՏՏ ոլորտը: Մեզ հրաշք է պետք՝ կուզեք ճապոնական հրաշք ասեք, կուզեք գերմանական հետպատերազմյա հրաշք ասեք, բայց էս տարբերակով մենք երկիրը էս վիճակից չենք հանելու, աղքատություն չենք կրճատելու: Էս ժողովուրդը ձեզ հայհոյելու է, ու բան չի փոխվելու»,- հայտարարեց Արամ Սարգսյանը:
Մանրամասները՝ տեսանյութում: