Ազգային ժողովն այսօր՝ փետրվարի 16-ին, հրավիրել է արտահերթ նիստ «Ելք» և «Ծառուկյան» խմբակցությունների՝ Հարկային օրենսգրքում փոփոխություններ անելու նախաձեռնությամբ:
«Ելք» խմբակցության ղեկավար Նիկոլ Փաշինյանը հրատապ հայտարարություն արեց. «Առաքել Մովսիսյանը, որ հայտնի է Շմայս անունով, զանգահարել է Երևանի ավագանու «Ելք» խմբակցության անդամ Ալեն Սիմոնյանին և նրա հասցեին ֆիզիկական հաշվեհարդարի սպառնալիք ներկայացրել: Էս իրո՞ք ՀՀԿ ներկայացուցիչները որոշել են մեզ քուչի կռվի մեջ ներքաշե՞լ»:
Նրա խոսքով՝ մեր փողկապներին չխաբվեք. «Ցանկացած մարտահրավեր մենք կընդունենք»:
Հիշեցնելով Շարմազանովի խոսքը, թե Երևանի ավագանին ախոռագոմ չէ, Փաշինյանն ասա. «Թույլ տվեք չհամաձայնել ձեր ձևակերպման հետ: Միջադեպը ցույց տվեց, որ Երևանի քաղաքապետարանում առնվազն մի քանի ախոռագոմ կա, և զարմանալի զուգադիպությամբ դրանք բոլորը զբաղեցնում են ՀՀԿ ներկայացուցիչները: Նմանատիպ ախոռագոմեր փնտրելու առիթ կա մասնավորապես նաև ՀՀԿ կենտրոնական գրասենյակում՝ Մելիք-Ադամյան-2 փողոցում»:
Մանրամասները՝ տեսանյութում:
