Վիզաժիստ Լիդյա Ֆ. Սելլերսը երկու տարի աշխատել է Մեգան Մարքլի հետ և լավ ծանոթ է շպարում նրա պահանջներին, դրանցից մեկի մասին նա պատմել է լրագրողներին։ Պարզվում է, արքայազնի հարսնացուն հատուկ քնքշանքով է վերաբերվում իր պեպեններին, սակայն դրանք չի ծածկում, ինչպես անում են շատ աղջիկներ, այլ ընդհակառակը, հետևում է, որպեսզի չանհետանան տոնային քսուկների հաստ շերտի տակ։
Ամեն անգամ, երբ ես նրան շպարում էի, նա ինձ խնդրում էր համոզվել, որ իր պեպենները տեսանելի են մնացել։ Նա խուսափում էր մաշկի վրա շպարի միջոցների մեծ քանակություն օգտագործել,– ասել է Սելերսը։
Նրա կարծիքով, «Ֆորս–մաժորներ» սերիալի հերոսուհին հիմա էլ չի փոխել իր սովորությունը, երբ արդեն արքայազնի հարսնացուն է։
Ավելի վաղ Մարքլը պատմել էր Allure ամսագրին այն դժվարությունների մասին, որոնց հետ ինքը բախվել է աշխատանքում՝ «էթնիկ ոչ միանշանակ» արտաքինի պատճառով։ Հիշեցնենք, որ դերասանուհու մայրը աֆրոամերիկուհի է, իսկ հայրը՝ սպիտակ։ Մեգանը հայտարարել է, որ ամբողջ կյանքում կհիշի հոր խոսքերը, ով մի անգամ նրան ասել է, որ «առանց պեպենների դեմքը կարծես առանց աստղերի գիշեր լինի»։
