Բրիտանացի ամուսիններ Ադամ և Շիվոն Ռաֆերը կարողացել են ապացուցել, որ Google-ը որոնման արդյունքներում միտումնավոր իջեցրել է իրենց կայքի դիրքերը։ Դատարանը ճանաչել է, որ կորպորացիան չարաշահել է գերիշխող դիրքը՝ անբարեխիղճ մրցակցության համար։ Դատարանի վճռով՝ կորպորացիան ամուսիններին 2.1 մլրդ ֆունտ կվճարի։
2005 թվականին ամուսինները գործարկել էին Foundem կայքը, որը թույլ է տալիս համեմատել տարբեր ապրանքների գները։ Եվ չնայած կայքը ճանաչում է վայելել, սակայն դրա դիրքը շարունակ իջել է Google-ի որոնումների արդյունքներում։ Այդ ժամանակ նրանք անմիջապես դիմել են կորպորացիային՝ պարզաբանումների համար, սակայն որևէ պատասխան չեն ստացել։ Այդ ժամանակ նրանք կասկածել են, որ ընկերությունն ի դեմս իրենց կայքի՝ սպառնալիք է տեսնում սեփական ծառայության համար։ Այս մասին հայտնում է Mirror-ը։
Զույգը բողոք էր ուղարկել Բրյուսել՝ մրցակցային հարցերով եվրահանձնաժողով։ Դատավարությունը տևել է 5 տարի։ Կորպորացիայի դեմ պաշտոնական մեղադրանքներ էին առաջադրվել 2015 թվականին։