Ամերիկացի ռեփեր Քանյե Ուեսթը վերադարձել Է Instagram` զետեղելու հայտնի մարդկանց մի քանի տասնյակ սիրո պատմություններ: Սուրբ Վալենտինի օրվա առթիվ ռեփերը 55 հրապարակում Է արել:
Վերականգնված հաշվում առաջին փոստը դարձել Է «Երջանիկ Վալենտինի օր, փոքրիկս» մակագրությամբ բացիկը: Ռեփերը լուսանկարին կից գրառում չի արել:
Հրապարակումը հարուցել Է Ուեսթի տաղանդի երկրպագուների ցնծությունը. նրանք ռեփերին շնորհավորել են վերադառնալու կապակցությամբ և հարցրել, թե ում Է հղված ուղերձը: Մեծամասնությունը համակարծիք Է, որ այն ուղղված Է Ուեսթի կնոջը՝ ինտերնետ-աստղ Քիմ Քարդաշյանին: Սակայն ռեփերը ոչ մի կերպ չի արձագանքել բազմաթիվ հարցերին:
Հաջորդ ութ ժամվա ընթացքում Ուեսթը ևս 54 լուսանկար Է տեղադրել: Դրանցում պատկերված Էին հայտնի զույգեր, օրինակ՝ Բարաք և Միշել Օբամաները, Միք և Բյանկա Ջագերները, Էլեն Դեջեներսը և Փորթիա դե Ռոսին, Բրեդ Փիթը և Անջելինա Ջոլին:
